Ишемби, Февраль 16

Дүйнөнүн эң бай адамын ким коркутту?

Whatsapp Odnoklassniki LinkedIn VKontakte +

Amazon компаниясынын башчысы Жефф Безос National Enquirer журналын басып чыгарган American Media Inc холдинги тарабынан опузалоого кабылганын билдирди.

Анын айтымында, холдингдин өкүлдөрү Безоско кайрылып, эгер ал журналга карата иликтөөсүн токтотпосо, анын интимдик сүрөттөрүн жарыялай турганын билдиришкен. Байлыгы 130 миллиард долларга бааланган Безос учурда жеке адвокат жалдап, National Enquirer журналы анын ойношу менен жеке жазышууларын кайдан жана кандай жол менен алганын аныктоого аракет кылууда.

Жакында эле журнал аталган жазышууларды колдонуп, Жефф Безостун ойношу менен болгон мамилеси тууралуу макала чыгарган. Андан бир күн мурда Безос жубайы менен ажырашканын жарыялаган.

​Amazon ээсинин айтымында, ал иликтөө баштагандыгы тууралуу маалымат аталган холдингдин жетекчиси Дэвинд Пекердин кыжырын келтирген.

Бөлүшүү

Автор тууралуу

Kyrgyz News

КыргызНьюс маалымат порталы Кыргызстандагы жана дүйнөдөгү жаңылыктарды окурмандарына туура, толук, айкын жана объективдүү жеткирип берүүнү максат кылат. Адистер тарабынан даярдалган аналитикалык макалаларыбыз болуп жаткан окуяларга терең көз караш менен карашыңызга жардам кылат.

Комментарий жазыңыз