Ширин Айтматованын учурда Бишкектеги СИЗО-1да кармалып жаткан күйөөсү Сыргак Кенжебаевден абак шартына эч кандай даттануу түшкөн жок. Бул тууралуу кыйноолорго каршы Улуттук борборунун директору Нурдин Сулайманов билдирди.
Айтымында 25-декабрда абакка барышып Кенжебаевдин шарты менен таанышып келишкен. Ал эч нерсеге даттанган эмес. Эч кимден басым болбогонун, ур-токмокко алынбаганын айткан.
Белгилей кетсек 26-декабрда Айтматова соцтармактагы баракчасына кимдир бирөөлөрдөн Кенжебаевге кол көтөрбөөсүн өтүнгөн. “Мен жазбайм, а силер күйөөмдү урбагыла” – деген билдирүү калтырган.
Сыргак Кенжебаев көз боемочулукка шектелип 19-декабрда кармалган.