Экономика министрлиги маалымдагандай приоритеттүү инвестициялык долбоорлордун тизмесин түзүү боюнча Кеңеш Кыргызстандагы алгачкы алты бизнес-идеяны бекитти.
Аталган Кеңеш жалпысынан ПРООНдун “КМШ аймагындагы туруктуу өнүгүүнү каржылоо үчүн потенциалды бекемдөө” долбоорунан техникалык колдоо каралган бизнес-долбоорлор үчүн 20 арызды караган. Андан сырткары бизнес-пландарды иштетүүгө атамекендик консалтингдик компания тандалып алынды.
Кеңеш тарабынан кабыл алынган бизнес-долбоорлор Жалал-Абад, Чүй, Нарын жана Ысык-Көл облустарын камтыйт. Бул долбоорлор айнек идиштерин (банка жана бөтөлкө), йоддолгон туз, электромобилдерди чогултуу, суу эсептегичин чыгаруу, курулуш жана Ысык- Көлдүн жээгиндеги спорттук-ден соолукту чыңдоо комплекстерин өнүктүрүүгө багытталган.