Бишкек мэриясы “Молодежный” сейил багына бекер муз тебүү аянтчасын ачты.
“Шаардыктар өздөрүнүн муз тебүүчү бут кийимдери, чаналары менен келип бекер эс алып кетсе болот. Ошол жерде дагы ижарага коньки бере турчу бөлүк бар”- деди “Городские парки” муниципиалдык ишканасынын жетекчиси Калича Умуралиева.
Анын айтымында муз тебүү аймагында коопсуздукту караган жумушчу топ бар жана күнүгө эртең менен муздун калыңдыгы канча экендигин текшерип турушат. Эгерде кооптуу жерлер болсо курчоого алышат.