Кыргызстандын медициналык академиясында дарыгерлердин резервдик кадрын даярдоо максатында COVID-19 боюнча окутуулар өтүп жатат. Бул тууралуу аталган окуу жайдан билдиришти.
Маалыматка караганда, бүгүн медиктерге биринчи лекция дистанциондук негизде окулду.
«Лекцияга мугалим-дарыгерлер, ординаторлор жана жогорку курстун студенттери катышып, пандемия боюнча клиникалык протоколдун жаңы версиясын окуп жатышат», — дешти окуу жайдан.
Билим алып жаткандардын бардыгы дарыгерлердин резервине кирет. Алар муктаждык жаралса коронавирус инфекциясы менен күрөшүүгө тартылат. Курска катышкандарга кийин сертификат берилет.