Садыр Жапаров президенттик шайлоого талапкерлигин коюуга арыз берүү үчүн кызматтан кетти.
Президенттиктин басма сөз кызматынын билдирүүсүнө ылайык, президенттикке талапкерлигин койгон Жапаров премьер-министрдин кызматын биринчи вице-премьер-министр Артем Новиковго өткөрүп берди.
Конституцияга ылайык, Жапаров аркалаган президенттин ыйгарым укуктары Жогорку Кеңештин төрагасы Талант Мамытовго өткөрүлүп берилди.
Мамытов өзүнүн элге кайрылуусунда, анын негизги милдети — 2021-жылдын 10-январына белгиленген президенттик шайлоодо бардык талапкерлерге бирдей шарт түзүү экенин айтты.
Эскерте кетсек, Кыргызстанда президенттик шайлоо 2021-жылдын 10-январында өткөрүлөт. БШКнын маалыматы боюнча алдыдагы шайлоого 63 адам талапкерлигин көрсөткөн.