Бишкек шаардык кеңешинин жаңы чакырылышы 30-июлдан тарта өз ишин баштады. 11-июлда өткөн кайра шайлоодо 45 мандат 6 партияга тийди. Бирок шаардык кеңешке мындан ары да мурдагы эле кландар жана картаң бөрүлөрдүн балдары ээлик кылаары күтүлүүдө. Кайсыл чиновниктин тууганы Бишкек шаардык кеңешке депутат болгонун төмөндөгү тизмеден көрүүгө болот:
Иманалиев Бактияр Бейшенбекович- «Имарат Строй» курулуш компаниясынын негиздөөчүсү Бейшенбек Иманалиевдин уулу, президенттин мурунку кеңешчиси Калыкбек Султановдун иниси.
Акунова Лира — мурунку маданият министри Акун Токтосартовдун кызы, Социалдык өнүктүрүү министринин мурдагы орун басары Камалдин Токтосартовдун эжеси.
Шаршенбай уулу Руслан — «Аламедин Базары» ЖЧКсынын мурунку жетекчиси Шаршенбай Мааткабыловдун уулу, Бишкек шаарынын Ленин районунун мурдагы акими, «Аламедин Базары» ЖЧКсынын башкы директору Ырысбек Мааткабыловдун иниси, «Дордой» холдингинин ээси Аскар Салымбековдуниниси.
Салымбеков Жумабек Мамытбаевич — Жогорку Кеңештин мурунку депутаты, «Дордой» ассоциациясынын директорлор кеңешинин мүчөсү Мамытбай Салымбековдун уулу. Ал дагы «Дордой» холдингинин ээси Аскар Салымбековдуниниси.
Бактыбеков Алымбек Бактыбекович — президенттик администрациянын мурдагы башчысы Үсөн Сыдыковдун небереси, ЖКнын мурдагы депутаты, «Манас» аэропортунун мурдагы башчысы Бактыбек Сыдыковдун уулу.
Сурапбаев Таалайбек Каримжанович — ишкер Каримажан Сурапбаевдин уулу (кыш заводу, көмүр бизнеси).
Досиев Эдик Шарипович — Башкы прокурордун мурдагы биринчи орун басары Сумар Насиздин жээни.
Конгантиев Куванычбек Камбаралыевич — мурунку башкы прокурор Кабаралы Конгантиевдин уулу, мурдагы ички иштер министри Молдомуса Конгантиевдин иниси
Токтогулов Максат Сарылбекович — Конгантиевдердин үй-бүлөсү менен үй-бүлөлүк байланышта.
Акылбеков Асылбек Акылбекович — Бишкек шаарынын вице-мэри Руслан Акылбековдун иниси.
Алымбеков Максат Жумакадырович — Жогорку Кеңештин депутаты Марлен Маматалиевдин өкүл баласы.
Эргешов Казыбек Кочкорович — Мамлекеттик дене тарбия жана спорт агенттигинин мурунку директору Кадырбек Эргешовдун иниси.
Жолдошбаева Наргиза Камчыбековна — Жогорку Кеңештин депутаты Камчыбек Жолдошбаевдин кызы.
Сариев Таалайбек Жолдошбаевич — Жогорку Кеңештин депутаты Камчыбек Жолдошбаевдин иниси.
Атамбаев Кадырбек Алмазбекович — Кыргыз Республикасынын мурунку президенти Алмазбек Атамбаевдин уулу.
Абдуллажанов Султанбек Мухтарович — Жогорку Кеңештин депутаты Азамат Арапбаевдин жээни.