«Талибандын» өкүлү Инамулла Самангани Тажикстандын президенти Эмомали Рахмонду өлкөдө демократиянын жоктугу үчүн сындады.
«Ал 27 жылдан бери президент, дагы алты жыл болот, мүмкүн андан кийин да президенттик кызматта калат. Анын өлкөсүндө шайлоого беш партия кабыл катышат, алардын баары бийликти колдойт. Анан бул кадырлуу адам Афганистанда шайлоону өткөрүү боюнча кеңеш береби?», — деди Самангани.
Мурдагы талиптердин саясий кеңсесинин башчысы, афган өкмөтүнүн башчысынын орун басарынын милдетин аткаруучу Абдул Гани Барадар Тажикстанды өлкөнүн ички ишине кийлигишүүдө деп айыптаган.
Америкалык аскерлер Афганистандан чыгарылып жаткан учурда талибдер чабуулга өткөн. Августтун ортосунда алар өлкөнүн бардык аймагын көзөмөлгө алышканын айтып, ал эми сентябрдын башында жаңы өкмөттүн курамын жарыялашкан.
Рахмон Афганистанда бардык улуттук азчылыктардын, анын ичинде тажиктердин катышуусу менен инклюзивдүү өкмөт түзүүнү талап кылды. Душанбе «эзүү аркылуу түзүлгөн» башка бир дагы министрлер кабинети таанылбайт деп билдирди.