Венгриянын Кыргызстандагы элчилиги октябрь айынан тарта Кыргызстандын жарандарына Венгрияга жана Европа Биримдигине мүчө башка бир катар өлкөлөргө Шенген визасын бере баштайт. Мындай макулдашуу Будапештте өткөн кыргыз-венгер стратегиялык кеңешинин жыйынында жетишилди.
Тышкы иштер министрлигинин басма сөз кызматы билдиргендей, кыргыз тараптан делегацияны тышкы иштер министри Руслан Казакбаев, Венгрия тараптан — тышкы экономикалык байланыштар жана тышкы иштер министри Петер Сийярто жетектеди.
Жолугушууда тараптар Ооганстандагы кырдаалды да талкуулашты.
Венгриянын элчилиги Бишкекте 2020-жылдын февраль айында ачылган.