Боомдо унаа өрттөнүп, үч адам жабыркады. Бул тууралуу аймактык кабарчыга күбөлөр билдиришти.
Унаанын ичинде 5 жаран болгон.
ӨКМдин басма сөз кызматынын маалыматына караганда, 9-декабрда Бишкек—Нарын—Торугарт унаа жолунун 114-чакырымында «Ауди С4» үлгүсүндөгү унаанын айдоочусу рулду башкара албай жолдон чыгып, тосмону сүзүп, унаадан өрт чыккан. Анын кесепетинен 3 адам: 1986-жылы туулган Ө.Д. (аял) денесинен күйүк, 1946-жылы туулган М.К. жана 1985-жылы туулган М.М. (экөө тең эркек) жаракат алып, тез жардам кызматы аркылуу ооруканага жеткирилген.
Ал эми өрт саат 10:05те толук өчүрүлгөн. Өрттү өчүрүүгө Кемин райондук №5 ӨКБдан 1 бөлүм тартылган.