Түркия ТҮРКСОЙ Эл аралык түрк маданият уюмунун башкы катчысы болуп шайланган Султан Раевге ийгилик каалады.
Түркиянын Тышкы иштер министрлиги: «2022-жылдын түрк дүйнөсүнүн маданий борбор шаары Бурсада өткөрүлүп жаткан ТҮРКСОЙ маданият министрлеринин туруктуу кеңешинин кезектеги жыйынында ТҮРКСОЙдун баш катчылыгына Кыргыз Республикасынын талапкери Султан Раевдин шайлангандыгы бизди кубандырат», — деген маалымат таратты.
«ТҮРКСОЙдун башкы катчысы Султан Раевге жаңы кызматында ийгилик каалайбыз. Түркия түрк дүйнөсүнүн маанилүү мекемелеринен борбор шаар Анкарада жайгашкан ТҮРКСОЙдун аткарган иштерин ар дайым колдоону улантат», — деп айтылды.
Мындан сырткары башкы катчылык кызматын Раевге өткөрүп берген Дүсен Касейиновго эмгектеринен улам ыраазычылык билдирилди.