Бишкек шаарынын Ак-Босого конушунда 660 орундуу мектеп курулат. Бул тууралуу шаардык мэрия билдирет.
Маалыматка ылайык, имарат президенттин ушул жылы 15 мектеп жана 5 бала бакча куруу тапшырмасы алкагында курулат.
Мектепти куруу ишин “Эталон Вин Спец Строй” уюму жетектейт. Курулушту 2022-жылдын сентябрь айына бүтүрүү пландалууда. Анда окуу корпусу, ашкана, спорт жана акты залдары каралган.
Кошумчалап кетсек, мектеп курулушунун сметалык баасы 358 млн. сомду түзөт.