Уланбек Усеков билим берүү жана илим министринин биринчи орун басары болуп дайындалды.
Ведомствонун басма сөз кызматынан кабарлашкандай, бүгүн, 24-январда министрлер кабинетинин төрагасынын орун басары Эдил Байсалов Усековду министрликтин жалпы жамаатына тааныштырды.
“Алдыңызда турган жоопкерчиликтүү милдетти так аткарып, элибизге татыктуу кызмат өтөйсүз деген ишеничтебиз. Билим берүү тармагы — эбегейсиз чоң система. Эмгек жамаат менен мыкты жумуш алып барып, тармактын алдыга жылышына, буга чейинки жүргүзүлүп жаткан, аягына чыкпай калган жумуштарды аягына чыгарасыз деген үмүттөбүз”, — деди Байсалов.
Белгилей кетсек, мурдагы биринчи орун басар Талантбек Бекташов башка кызматка которулгандыгына байланыштуу ээлеген ордунан министрлер кабинетинин төрагасы Акылбек Жапаровдун буйругуна ылайык бошотулду.