Испанияда күз-кыш мезгилинде экинчи жолу көрүнгөн сасык тумоонун толкуну адистер тарабынан респиратордук вирустарда адаттан тыш бир абал катары бааланды.
Өлкөдө ноябрь-декабрь айларындагы «А гриппинин» толкунунан кийин февраль айында «В гриппинин» толкуну башталды.
Карлос III Саламаттыкты сактоо Институту В толкуну жөнүндөгү баяндамасында адатта жазга карай азайышы күтүлгөн сасык тумоо учурларынын азыр көп кездешүүсүнүн жана күз-кыш мезгилинде эки сасык тумоо толкунунун бар экендигинин «өзгөчө мүнөзүнө» көңүлдөрдү бурду.
Маалыматка ылайык, 20-26-февраль аралыгында ар бир 100 миң кишиден 258 сасык тумоо учуру катталса, февраль айынын орто ченинде бул сан 270 болгон.
Эксперттер коронавирустун жаңы түрүнө (Ковид-19) байланыштуу көрүлгөн чаралардын таасири менен организмдин башка вирустарга каршы туруктуулугу азайганын айтышууда.
Сасык тумоонун В толкуну өзгөчө 15 жашка чейинки балдарда байкалаары айтылды.
Сасык тумоонун В толкунунун Испания сыяктуу Францияда да жогорку деңгээлде экени айтылды.