Азербайжан Карабах жеңишинин 3-жылында жерлерин оккупациядан куткаруу үчүн каза болгон аскерлерин эскерди.
Азербайжандыктар Экинчи Карабах согушундагы жеңиштин 3-жылын белгилеп аскерлердин мүрзөлөрүнө барышты. Борбор шаар Бакуда Экинчи Фахри Хыябандагы мүрзөгө барган курман болгон аскерлердин жакындары жана жарандар мүрзөлөргө гүл коюп, дуба кылышты.
2020-жылы 27-сентябрда башталган Экинчи Карабах согушунда Азербайжан 300гө жакын айылын жана шаарын оккупациядан бошотту. Азербайжан армиясынын Шушага кириши Армиян армиясынын тарашына себеп болгон. 2020-жылы 10-ноябрда жеңилишин кабыл алган Армения Агдам, Келбежер жана Лачын облустарынан армиясын чыгарарына убада берген билдирүүгө кол койгон.
Азербайжандын президенти Илхам Алиев 8-ноябрды «Жеңиш күнү» деп жарыялаган.
Экинчи Карабах согушунда Азербайжан армиясынан 2 миң 908 аскер курман болду.