Кечээ, 26- ноябрда Түркиянын Анкара шаарында Кыргызстандын Маданият күндөрү башталды. Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка ылайык, делегацияны маданият министринин биринчи орун басары Тимурлан Ажымалиев жетектейт.
Буга байланыштуу Анкара Мамлекеттик искусство жана жана айкел музейинде КР Маданият күндөрүнүн алкагында кыргыз кино күндөрү жана Анкара Чоң театрында Кыргызстандын Маданият күндөрүнүн расмий ачылышы өтүп, ал кол өнөрчүлөрдүн жана сүрөтчүлөрдүн көзгөзмөсү менен коштолду.
Учурда Кыргызстандан барган чыгармачылык топ Анкара шаарында. Алар кыргыз маданиятынын мыкты үлгүлөрүн көрсөтүшмөкчү.