Нигериянын үч штатында бир жумада ласса ысытмасынын 14 учуру катталды.
Акыркы жумада өлкөнүн Ондо, Эдо жана Баучи штаттарында ласса ысытмасынын учурлары аныкталды.
Бир жумада эпидемиядан бир адам каза болду.
Январь айынан бери өлкөдө ласса ысытмасы бейтаптарынын саны 1015ке жетип, эпидемиядан 180 адам каза болду.
Нигерия өкмөтү ооруну дарылоо үчүн 3 дарынын аныкталганын жарыялады.
Кургак мезгил болгон ноябрь жана май айларында жыл сайын күчөгөн ласса ысытмасы эпидемиясында 2023 — жылы 674 учур катталып, 102 адам каза болгон.
Мали, Того, Гана, Либерия жана Сьерра-Леоне сыяктуу көптөгөн Африка өлкөсүндө байкалган ласса ысытмасы Нигерияда биринчи жолу 1969 — жылы өлкөнүн түндүк чыгышындагы Борно штатында аныкталган.
Нигерия өкмөтү 2019 — жылдын 23 — январында ласса ысытмасынан улам өзгөчө кырдаал жарыялаган.
Чычкандын заңы менен жугуучу оору адамдан адамга жугат жана өлүмгө алып келген геморрагиялык ысытманы пайда кылат.
Жетекчилер элди чычкан жана башка кемирүүчү жаныбарлардан алыс болууга чакырды.