Израилдин коргоо министри Исраэль Кац армияга Газадагы ыктымалдуу ар кандай сценарийге даяр болууну тапшырды.
Израилдин Коргоо министрлиги, Хамас 15-февралда ишке ашуусу күтүлүп жаткан туткундарды алмаштыруунун алтынчы айлампасын кийинки билдирүүгө чейин токтотконун жарыялагандан кийин билдирүү таратты.
Кац «Хамастын израилдик туткундарды бошотууну токтото турганын жарыялоосу ок атышпоо жана туткун алмашуу келишимин толугу менен бузуу» экенин айтып, Израиль армиясына Газадагы ыктымалдуу ар кандай сценарийге толук даяр болууга буйрук бергенин кабарлады.
Хамастын аскердик канаты Изз ад-Дин аль-Кассам бригадасынын басма сөз катчысы Абу Убайда 15-февралда болушу күтүлгөн туткун алмашуунун Израилдин ок атышпоо келишиминдеги милдеттенмелерин аткарбаганы себептүү токтотулганын жарыялаган.