Өзбекстандын алтын-валюта кору 1-сентябрга карата 50,09 миллиард долларга жетти. Бул тууралуу өлкөнүн Борбордук банкы билдирди.
Август айында кор 1,34 миллиард долларга же 2,7 пайызга өскөн. Өсүшкө негизги салым алтын баасынын дүйнөлүк рынокто кымбатташы менен байланыштуу болду. Август ичинде анын баасы унциясына 3306,8 доллардан 3407,5 долларга чейин жогорулап, бул кошумча 1,2 миллиард доллар киреше алып келди.
Запастардагы баалуу металлдын көлөмү 11,8 миллион унцияга (367 тонна) жетти. Жыл башынан бери өсүш 8,9 миллиард долларды түзүп, 21,6 пайызга жетти.
Бул көрсөткүч Өзбекстанда 2013-жылдан бери жүргүзүлүп келе жаткан статистикадагы эң жогорку деңгээл болуп калды.