Израилдин 2023-жылдын 7-октябрынан бери Газа тилкесине жасаган кол салууларында каза болгон палестиналыктардын саны 64 миң 725ке жетти. Акыркы 24 сааттын ичинде эле Израилдин эксклавга жасаган чабуулунун курмандыгы болгон 72 адам. Бул тууралуу Палестинанын Газа тилкесиндеги Саламаттыкты сактоо министрлигинин Израилдин аймактагы уланып жаткан чабуулдарынын натыйжасында каза болгондор жана жарадар болгондор боюнча акыркы маалымат берген билдирүүсүндө айтылат.
Билдирүүгө ылайык, акыркы 24 сааттын ичинде Газа тилкесиндеги ооруканаларга каза болгон 72 жана жарадар болгон 356 адамдын сөөгү жеткирилди.
Израиль армиясынын 18-марттан бери, башкача айтканда 19-январда күчүнө кирген ок атышпоо келишиминин бузулушунан кийин жасаган кол салууларынын натыйжасында каза болгондордун саны 12 миң 70ге, жаралуулардын саны 51 миң 818ге жетти.
Үстүбүздөгү жылдын 27-майынан бери Израил жана АКШнын жетекчилигинде курулган жардам бөлүштүрүү борборлору деп аталган аймактарда Израилдин системалуу кол салууларынан каза болгондордун саны 2465ке, жарадарлардын саны 17948ге жетти.
Израилдин 2023-жылдын 7-октябрынан бери Газа тилкесине жасаган кол салууларынын натыйжасында каза болгон палестиналыктардын жалпы саны 64 миң 718ге, жаралуулардын саны 163 миң 859га жетти.
Газа тилкесинде акыркы 24 саатта дагы жети палестиналык, анын ичинде бир бала ачкачылыктан жана жетишсиз тамактануудан көз жумду. Ошентип, 7-октябрдан бери ачкачылыктан каза болгондордун жалпы саны 411ге жетти. Алардын 142си балдар.
Газа тилкесиндеги урандылардын астында миңдеген курмандыктын сөөгү дагы эле сакталып турганы белгиленди.