Жеңил салмактагы чемпион Хабиб Нурмагомедовдун кезектеги беттеши келерки жылдын 18-апрелинде Нью-Йорк шаарында «Barclays Center» аренасында өтөт. ESPN басылмасындагы маалыматка караганда чемпиондун бул жолку атаандашы америкалык Тони Фергюсон болмокчу.
Нурмагомедов беттеш боюнча келишимге кол койгону менен Тони Фергюсон азырынча кол кое элек. Бирок ал дагы беттештин өтүшүнө кызыкдар экенин билдирген.
Хабибдин менеджери Али Абдель-Азиздин айтымында Тони Фергюсон татыктуу атаандаш жана ал көптөн бери беттеш өткөрүүнү айтып келген.
8-сентябрда Абу-Дабиде өткөн UFC 242 турниринде Хабиб Нурмагомедов америкалык Дастин Порьени жеңип, жеңил салмактагы чемпиондук курун сактап калган.