Кытайдагы Хэбэй провинциясындагы фейерверк чыгарган легалсыз фабрикада жарылуу болуп, жети адам каза тапты. “Синьхуа” агенттигинин маалыматына караганда дагы 13 адам ар кандай жарааттарды алган.
Фабрика жарылуу коркунучундагы продукцияны легалсыз чыгарып келген. Кырсык иш учурунда болгондуктан жумушчулардын өмүрүн кооптуу абалда калган. Жарадарлар учурда ооруканаларга жаткырылды.
Жергиликтүү бийлик фабриканы жапты. Аны иштеткен “Биси” компаниясынын жетекчилиги полициянын бөлүмүнө жеткирилди. Иликтөө иштери жүрүүдө.