“Кумтөрдүн” эки жумушчусунун дайынсыз болуп жатканына 12 күндүн жүзү болду. Бирок ушул убакка чейин алар табыла элек. Депутат Руслан Чойбеков издөө иштери эмнегедир создугун жатканын парламенттин жыйынында айтты.
“Урандынын алдында калган жумушчулар изделип жатканына көп болду. Бирок жыйынтык жок. Андыктан издөө иштерине кошумча күчтөрдү тартуу керек”, — деди депутат.
Ал жумушчуларды издөө чаралары татаал жана катаал шартта жүргүзүп жатканын белгилеп, Казакстан, Кытай, Россия сыяктуу өлкөлөрдөн издешүүгө кошумча күч тартууну сунуштады.