Интернетте украиналык учактын жарылаар алдындагы көрүнүштү чагылдырган видео тарады. Анда Тегерандагы абамайдандан көтөрүлүп бараткан учакка ак жарык жете барганы андан кийин жарылуунун добушу угулганын көрүүгө болот.
Бул видеону ирандык активист Нариман Гариб Телеграмга жүктөгөн. Азырынча видеонун чыныгы экени аныктала элек, дүйнөлүк маалымат каражаттары текшерип жатышат.