Кыргызстандын Кытай менен чек аралаш жерлердеги санитардык пункттарда жана аэропорттордо короновирусту тепловизор менен текшерип жатышат. Тепловизор бир канча аралыкта эле адамда температура жана инфекция бар экенинен белги берет.
“Эгерде тепловизор менен температура бар экенин аныкташса дароо текшерүүгө алынат”- деди Саламаттыкты сактоо министрлигинин оорууларды профилактикалоо жана экспертиза департаментинин директору Толо Исаков.
Айрым жарандар Кытайдан азык-түлүк киргизүүгө тыюу салууну сунуштап жаткандарын, бирок бул ашыкча болуп кетерин жана көзөмөлгө алып жаткандарын айтты.