Кытайдагы эпидемияга байланыштуу Франция Ухань шаарындагы өздөрүнүн жарандарын шаардан чыгарып жатат. Алар өз өлкөсүнө баргандан кийин эки жума изолятордун (өзүнчө бөлүктүн) ичинде болушат.
Буга чейин АКШ жана Жапония жарандарын алып кетерин кабарлашкан.
“Самолет токтогондон кийин дезинфекциялоо иштери жүрдү. Андан кийин маска тагынган кызыл кресттин адамдарын көрдүк”- деди Ухандан келген француз жүргүнчүсү.
Француз Саламаттыкты сактоо министрлигинен кайтып келгендер көзөмөлгө алынарын кошумчалады.