29-январь күнү Казакстандын футзал боюнча чемпионаты болуп өткөн. Анда Кыргызстандан барган курама команда «Актөбө» командасын 5:0 эсебинде утуп алды. Бул тууралуу КРнын футбол федерациясынан билдиришти.
Бул мелдеште 2001-2002-жылы туулган футболчуларга кароо өткөрүү жана техника-тактикалык учурларды өздөштүрүү негизги максаттардын бири болуп саналат.
Кыргызстандын футзал боюнча жаштар курама командасын (U-19) Андрей Пестряков машыктырып, алар 28-январда Казакстандын чемпиондугуна катышуу үчүн Алматы шаарына учуп кетишкен.
Турнир «Кайрат» спорт комплексинде 1-февралга чейин өтөт.