Львов шаарында журналисттин унаасын өрттөп кетишти. Кылмышты аныктоо иштери башталды. Бул тууралуу Украина улуттук полиция башкармалыгынын пресс-катчылыгы билдирди.
“Бүгүн, 30-январда, Галицкий полиция бөлүмүнө журналист кайрылды. Түн ортосунда машина токтотуучу жайда турган унаасын белгисиз адамдар өрттөп кеткенин айтты”- деп айтылат маалыматта.
Полициянын маалыматында, журналист окуяны ишмердүүлугүнө байланыштырып жатат. Учурда журналисттин мүлкүн атайылап жок кылуу же зыянга учуратуу боюнча иликтөө иштери башталган.