Казакстанда -20 градус суукта талаада калган 37 жүргүнчү куткарылды. Анда Новосибирск-Шымкент каттамындагы автобус бузулуп калган. Бул тууралуу “Анадолу” CentralAsia га шилтеме кылып жазып чыкты.
Ал 2-февралда орус-казак чек арасынан өткөн. Бирок автобус бузулуп калгандыктан токтоого туура келген. Окуя “Кызылорда — Павлодар” унаа жолунун 203-километринде болгон. Жүргүнчүлөр Өзбекстандыктар экендиги аныкталган.
Кырсык катталган жерге жергиликтүү полиция, куткаруучулар жана жолчулар барышкан. Жүргүнчүлөрдү Шидерти айылына жеткирип, андан кийин Карагандага салып жиберишкен.