Бишкек шаарынын Ленин райондук салык башкармалыгынын бөлүм башчысы Н.Ш. жана инспектору С.Р. пара талап кылуу фактысы менен кармалды. Бул тууралуу УКМКдан билдиришти. Коопсуздук кеңешинин чечимин аткаруунун алкагында, 2020-жылдын 6-мартында КР УКМК ККК кызматкерли тарабынан ыкчам-издөө иш-чараларынын жүрүшүндө аныкталган.
Такталган боюнча, жогоруда көрсөтүлгөн жооптуу кызматтагы адамдар жеке компаниянын бухгалтеринен салыктык текшерүүнүн жыйынтыгын оң тарапка чечип берүү үчүн 25 000 АКШ долларын талап кылган. 2020-жылдын февраль айларында салык кызматынын инспектору С.Р.
белгиленген сумманын бир бөлүгү 5000 АКШ доллар акча каражатын алган. 2020-жылдын 6-мартында Бишкек шаарынын Ленин райондук салык
кызматынын башчысынын жана инспекторунун кызматтык кабинеттерин
тинтүүнүн жүрүшүндө жеке компаниянын салык боюнча текшерүүгө
көрсөтүлгөн документтери табылып алынды.
Сотко чейинки өндүрүштүк материалдар КР Кылмыш-жаза кодексинин 326-беренеси (опузалап пара талап кылуу) боюнча кылмыштардын жана жоруктардын бирдиктүү реестрине катталды Кармалган адамдар КР УКМК тергөө камак жайына киргизилди. Азыркы учурда тергөө иштери жүрүп жатат.