Жогорку Кеңешке сырттан келгендердин кирип-чыгуусу четтетилди. Бул тууралуу бүгүнкү жыйында айтылды.
Төрага Дастанбек Жумабековдун айтымында, сырттан келген конокторду, айылдык кеңештин депутаттарын, окуучуларды, студенттерди кабыл алуу токтотулду.
«Депутаттардын башка мамлекетке чыгуусун дагы токтотууну сунуштап жатабыз», — дейт төрага.
Белгилей кетсек, Кыргызстанда азырынча коронавирус каттала элек. Өлкөдө массалык иш-чаралар токтотулду. Чет өлкөдөн келген 300дөй адам медициналык көзөмөлдө.