Бишкектин кѳчѳлѳрү жуула баштады
“Тазалык” муниципалдык ишканасы борбордун көчөлөрүн атайын техника менен жууй баштады. Бул тууралуу мэриянын басма сөз кызматы билдирди.
Ишкананын кызматкерлери жолдорду жууш үчүн атайын техникадагы кышкы жабдууларды алмаштырууда. Учурда, Бишкекте бир нече көчө жуула баштады. Алар: Аалы Токомбаев, Фучик, Жибек-Жолу көчөлөрү жана Манас, Чүй проспектилери. Аба ырайы турукташып, техниканын баары даяр болгондо, калаанын бардык көчөлөрү жуулат.Ошондой эле, санитардык тазалоо иштери дагы күндөгүдөй ишин улантууда.