Казакстанда элдик каттоону 2021-жылдын октябрь айына жылдырышты. Бул жөнүндө КРнын Улуттук статистикалык коммитети билдирди.
Казахстан Республикасынын жарлыгына ылайык элдик каттоо 2020-жылдын 1-октябрынан тартып 30-октябрына чейин жүргүзүлмөк. Коммитеттин маалыматында, өлкөдөгү коронавирус кырдаалына жана ага каршы кабыл алынган сактык иш-чараларынан(карантин) улам элдик каттоону 2021-жылдын октябрь айына жылдыруу жөнүндө чечим кабыл алынгандыгы тууралуу айтылган.
Маалыматта белгилегендей Улуттук элдик каттоону жүргүзүү ыкмасы өзгөрүүсүз калтырылат, башкача айтканда 1-октябрдан 15-октябрга чейин sanaq.gov.kz. сайтында интернет-сурамжылоо жүргүзүлөт.
Буга кошумча 1-октябрдан 30-октябрга чейин каттоочулар маалымат жыйноо үчүн элди жалпы сурамжылоо ишин жүргүзүшөт.