Архитектура, курулуш жана турак жай-коммуналдык чарба мамлекеттик агенттигинин маалыматына ылайык, быйыл Кыргызстанда коррупцияга каршы күрөштөн түшкөн каражатка 3 мектеп куруу пландалууда.
Коррупцияга каршы күрөштөн түшкөн каражатка курула турган мектептердин жалпы саны 15. Долбоордун жалпы суммасы 1 млрд 199 млн сомду түзөт. Тендердик баасы — 851,9 млн сом.
Архитектура агенттигинен билдиришкендей, бардык объекттердин долбоордук-сметалык документтери даярдалып, курулуш-монтаж иштерине сынактар өткөрүлгөн. 15 мектепте тең курулуш иштери башталган.
Жыл аягына чейин төмөндөгү 3 мектептин курулуш иштерин аяктоо пландалууда:
Бишкек шаарындагы №12 гимназиянын кошумча имараты;
Чүй облусундагы Сокулук районунун Орок айылындагы мектеп;
Ош шаарындагы Нариман атындагы №7 мектептин кошумча имараты.