5-октябрда парламенттик шайлоонун жыйынтыгына нааразы болгон партиялар баштаган тынчтык митинг массалык башаламандыкка айланып, 6-октябрда түнкү саат үчтө Ак үйдү басып алып, президент отурган жетинчи кабатка чейин адамдар кирип барышкан.
Андан кийин митингчилер абактагы мурдагы президент Алмазбек Атамбаевди, мурдагы премьер-министр Сапар Исаковду, Садыр Жапаровду, Равшан Жээнбековду чыгарышты.
№27 колонияда отурган саясатчы Садыр Жапаров бошотулуп, аянтка алынып келгенден кийин митингчилердин алдында сөз сүйлөдү.
Ал элди аянттан тарап кетүүгө, бардык маселелерди мыйзамдуу, легитимдүү жол менен чечүүгө, мыйзамсыздыктан алыс болууга чакырды.