Ак үйдөгү чыккан өрт өчүрүлдү. Митингчилер толугу менен тарап кете элек. Ак үйдүн айланасында чогулган эл парламент жана президент отурган имаратка эч кандай тоскоолдуксуз эле кирип чыгууда.
Эскерте кетсек, 5-октябрда парламенттик шайлоонун жыйынтыгына нааразы болгон партиялар баштаган тынчтык митинги массалык башаламандыкка айланып, 6-октябрда митингчилер Ак үйдү басып алышкан.
Ала-Тоо аянтындагы башаламандыкта аянтка жакын токтотулган автоунааларды да чогулгандар өрттөп жиберишкен.
