Мурдагы премьер-министр Өмүрбек Бабанов 10-январда өтчү президенттик шайлоого катышпай турганын жар салды. Социалдык медиа баракчасы аркылуу кыргызстандыктарга кайрылган Өмүрбек Бабанов президенттин милдетин аткарып жаткан Садыр Жапаров менен жолукканын маалымдады.
Өмүрбек Бабанов президенттик шайлоого катышпаганы менен Садыр Жапаровду колдой турганын айтты. Бабановдун кйрылуусунда мындай делет:
“Кечээ Садыр Нургожоевич менен жолуктум. Өлкөбүздү өнүктүрүүгө керек болгон терең маселелерди ачык талкууладык. Садыр Нургожоевич мурдагы башкаруучулардын каталарын кайталабастыгын, олуттуу өзгөрүүлөргө даяр экендигин көрдүм.
Мени колдоп келген бардык адамдарга, тилектештериме ыраазычылык билдирем! Партиялаштарым менен акылдашып, Кыргызстандын Президентинин кызматына ӨЗ ТАЛАПКЕРЛИГИМДИ АЛЫП ЧЫКПООНУ ЧЕЧТИМ!
САДЫР НУРГОЖОЕВИЧТИН ТАЛАПКЕРЛИГИН КОЛДОО ЧЕЧИМИН КАБЫЛ АЛДЫМ.”