Кечээ борбор калаадагы “Орто-Сай” базарында өрт чыкты. Өзгөчө кырдаалдар министрлигинин басма сөз кызматы кабарлагандай, базар 9-ноябрга караган түнү күйө баштаган. Кырсык тууралуу ӨКМга 9-ноябрга караган түнү чакыруу түшүп, саат 00:18де алгачкы биригада чыгып кеткен.
Бишкектеги «Орто-Сай» базарындагы өрттү өчүрүүгө беш бригада тартылып, өрт түнкү саат үчкө жакын өчүрүлгөн.
Азырынча жаракат алгандар туурасында так маалымат жок.
“Орто-Сай” базары Бишкектин түштүк тарабында Юнусалиев менен Сүйөркулов көчөлөрүнүн кесилишинде жайгашып, кийим-кече, азык-түлүк жана тиричилик каражаттары сатылат. “Орто-Сай” базары калаадагы ири базарлардын бири.