Кыргыз Республикасынын Билим берүү жана илим министрлигинин ыкчам аракеттеринин арты менен 11-ноябрдан тартып өлкөдөгү 1 489 жалпы билим берүү уюмдарынын окуучулары үчүн реалдуу окуу режими жанданат. Бул тууралуу аталган министрликтин басма сөз кызматынан кабарлашты.
Аймактар боюнча бөлүп караганда:
- Нарын облусу – 142
- Жалал-Абад облусу – 220
- Баткен облусу – 177
- Ош облусу – 434
- Ысык-Көл облусу – 160
- Талас облусу – 77
- Чүй облусу – 279
Билим берүү министрлигинен маалымдашкандай, эки жума бою реалдуу режимде окуу процесси жанданган мектептерде мониторинг жүргүзүлөт. Эгер абал туруктуу болуп, жакшы жыйынтык көрсөтсө, жергиликтүү өз алдынча башкаруу органдарынын жана саламаттык сактоонун аймактык органдарынын макулдугу менен башка класстарга дагы реалдуу режимде окууга уруксат берилет.
Ал эми Бишкек жана Ош шаарларында эпидемиологиялык абал оор болгондуктан, Республикалык штаб жана Саламаттык сактоо министрлиги мектептерде реалдуу режимде окууну жандандырууга уруксат берген жок.