Кыргызстанда мамлекеттик кызматкерлерди 10%га кыскартуу пландалууда. Бул тууралуу мамлекеттик органдардын тутумун реформалоодо сунуштарды иштеп чыгуу боюнча ведомстволор аралык комиссиянын жыйынында өкмөттүн аппаратынын жетекчиси Бакыт Аманбаев билдирди.
Бакыт Аманбаевдин айтымында, Кыргызстанда 28 миң мамлекеттик жана муниципалдык кызматкерлер бар. Бул дегендик өлкөнүн ар бир 447-жараны чиновник дегенди түшүндүрөт. Алардын айлык акысына 48 миллиард сом корой турганы белгилүү болду.
Комиссия 20-ноябрга чейин мамлекеттик мекемелер түзүмүн оптималдаштыруу жана штатын кыскартуу боюнча план иштеп чыгышы керек. Алардын сунушун эксперттерден түзүлгөн жумушту топ карап чыгат.
Андан кийин министрликтер менен бирге аткаруу бийлигинин жалпы түзүмү иштелип чыгары айтылып жатат.
Өкмөт айтып жаткан реформа эки айдын ичинде ишке аша турганы белгилүү болду.