Бишкекте жайгашкан мурдагы Фрунзе заводунда жарылуу болуп, үч адам жабыркады. Бул тууралуу Травматология жана ортопедия илим изилдөө борборунан билдиришти.
Маалыматка караганда, 25 жаштагы киши оор абалда реанимацияга түштү. Дагы эки адам күйүк бөлүмүнө жеткирилип, алардын бирөөсү амбулатордук дарыланууга жөнөтүлдү.
Окуя болгон жерде тийиштүү органдар иш алып барууда.