Бишкектин мектептерине электрондук кезекке туруу 15-февраль күнү башталат. Бул тууралуу мэриянын маалымат кызматы кабарлады.
Баланы 2021-2022-окуу жылында 1-класска киргизүүгө онлайн-арызды калтыруу үчүн https://mektep.edu.gov.kg/ сайтына кирүү керек.
Каттоо бир эле этап менен эки багытта жүргүзүлөт. Биринчиси — жашаган жериндеги мектептерге каттоого тургандар, экинчиси — жашаган аймагынан сырткары жайгашкан мектептерди тандагандар үчүн.
Баланы мектепке киргизүүдөгү керектүү документтер:
- баланын туулгандыгы тууралуу күбөлүгү (оригинал жана көчүрмө);
- ата-энесинин же баланы караган мыйзамдуу өкүлдүн паспортунун көчүрмөсү;
- ата-энесинин же баланын мыйзамдуу өкүлүнүн жашаган жеринен маалымдама.