Президент Садыр Жапаров 2-3-мартта Казакстанга расмий сапар менен барат.
Бул тууралуу маалыматты мамлекет башчынын басма сөз кызматы маалымдады. Маалыматка ылайык, бул — Садыр Жапаровдун президент катары чет мамлекетке алгачкы расмий сапары.
Президент Жапаров чет өлкөгө алгачкы иш сапарын Орусиядан баштаган.
Казакстандын президенти Касым-Жомарт Токаев 1-февралда Жапаровду президент болуп шайланышы менен куттуктап, эки тараптуу кызматташтыкты жаңы деңгээлге чыгарыш үчүн биргелешип жигердүү иштешүүгө даяр экенин билдирген.