Армения президенти Армен Саркисян премьер-министр Никол Пашиняндын Артак Давтянды башкы штабдын башчысы кылып дайындоо чечимин жактырган жок.
Саркисян Пашиняндын өкмөткө берилген меморандумдан кийин башкы штабдын башчысы Оник Гаспарянды кызматтан алуу чечимин да жактырган эмес.
Кечээ Пашинян Гаспарянды дагы бир жолу кызматтан кетиргенин жана Артак Давтянды Башкы штабдын башчысы кылып дайындоону чечкенин жарыялады.
Оник Гаспарян өзүнүн социалдык тармактагы эсебинде премьер-министр Пашиняндын аны кызматтан алуу процесси конституцияга каршы келет деп ырастаган.
Конституциянын үстөмдүгүн камсыз кылуу үчүн сот жараянын баштаганын белгилеген Гаспарян: «Мен Армения элине жана мекениме башкача статуста кызмат кыла берем»,-деди.
Башкы штабдын төрагасы Гаспарян жана улук командирлер 25-февралда премьер-министр Пашиняндын кызматтан кетишин талап кылган декларацияга кол коюшуп, Пашинянга меморандум тапшырышты.
Пашинян дароо Башкы штабдын башчысы Гаспарянды кызматтан алганын жарыялаган.
Пашинян армия командирлеринин кызматтан кетүүгө чакырыктарын «төңкөрүш аракети» деп мүнөздөдү.