«Манас» эл аралык аэропортундагы коронавирусту аныктоочу ПЦР-лаборатория күнү-түнү иштей баштады. Бул тууралуу аба майдандын маалымат кызматы кабарлады.
Лаборатория ачылгандан бери ПЦР-тест эртең мененки саат 8:00дөн кечки 18:00гө чейин жасалып келген. Ошондой эле «COVID жок саякаттайм» программасына катышкан.
Тесттин жыйынтыгын amsbiolab.kg сайтынан табууга болот. Же болбосо «Манас» аэропортунун 1-кабатынан үч тилде кагазга чыгартып алса дагы жарайт.
«Манас» аэропортуна түштүк кореялык корпорация ПЦР-лаборатория ача турганы 21-майда белгилүү болгон. Өкмөт башчы Улукбек Марипов менен жолуккан фирманын жетекчиси COVID-19га бир күндө 14 миң адам тест тапшыра аларын билдирген.