Бишкек шаарынын мэриясы шаардыктарга санитардык-эпидемиологиялык талаптардын жана эрежелердин сакталышын эскертет.
Муниципалитеттин басма сөз кызматы билдиргендей, троллейбус жана автобустарда беткап режимин сактоону эскерткен баннерлер илинди.
«Урматтуу шаардыктар, коомдук транспортто баратканда бардык коопсуздук эрежелерин, санитардык-эпидемиологиялык талаптарды сактоону суранабыз: бет кап кийип, антисептиктерди колдонуп, колуңузду тез-тез жууп туруңуздар», — деп айтылат маалыматта.
Белгилей кетсек, учурда борбор калаада эпидемиологиялык абал курчуп, ооругандардын саны өсүп жатат. Өзүңүзгө жана жакындарыңызга кам көрүңүздөр.