Кыргызстанда соңку 3-4 күндө абанын температурасы +41 градуска чейин жогорулап, аномалдуу ысык болду. Бул тууралуу «Биринчи радионун» эфиринде Гидрометеорология агенттигинин жетекчисинин орун басары Асылкан Раманкулова билдирди.
Анын айтымында, 29-30-31-июлда Ысык-Көл, Нарын, Ош, Чүй, Жалал-Абад облустарынын тоолуу райондорунда жаан-чачын күтүлөт. Ошондуктан абанын температурасы төмөндөйт.
31-июлга чейин абанын температурасы +31 градуска чейин төмөндөйт. Бирок 1-августтан баштап кайра жогорулайт.