Айбек Жунушалиев Бишкек шаарынын мэринин милдетин аткаруучу болуп дайындалды. Бул туурасында министрлер кабинетинин маалымат кызматы билдирди.
45 жаштагы Жунушалиев буга чейин Министрлер кабинетинин төрагасынын биринчи орун басары болуп иштеп жаткан.
Бишкек шаарына мэрдин милдетин аткаруучу болуп 10 күн мурда дайындалган Таалайбек Сарыбашов өз каалоосу менен кызматтан кеткенин бүгүн социалдык түйүндөр аркылуу жарыялаган. Ал “кызматты тапшырууда эч кандай саясат жок экенин” билдирген.
Белгилей кетсек, Бишкек шаарынын мэринин милдетин аткарып жаткан Таалайбек Сарыбашов бүгүн өз ыктыяры менен кызматтан кетүүгө арыз жазган.