Бишкектеги мектептерде маска тагуу милдеттүү түрдө болот. Бул тууралуу Бишкек шаардык кеңештин депутаттарынын жыйынында вице-мэр Виктория Мозгочева билдирди.
Анын айтымында ар бир мектепте килемче болот жана алар дезинфекциялоочу каражаттарга чыланат. «Имарат дайыма дезинфекцияланып, желдетилип турат. Класстарда дезинфекциялоочу каражаттар болот»-деди вице-мэр.
Мозгочева окуучулардын бет кап тагынуусу милдетүү түрдө болорун белгилеп: «Бизде мектепте окуучулар көп, ошондуктан аралыкты камсыздай албайбыз, бул министрлер кабинетине жөнөтүлдү»- деп кошумчалады.