Бишкектеги «Дордой-Дыйкан» базарынын директору Эркин Салымбеков 6-декабрга чейин камакта калтырылды. Бул тууралуу Биринчи Май райондук сотунун басма сөз кызматы билдирди.
Маалыматка ылайык, Эркин Салымбеков 6-декабрга чейин Улуттук коопсуздук боюнча мамлекеттик комитетинин убактылуу кармоочу жайына камалды.
Буга чейин Эркин Салымбековдун УКМК тарабынан кармалгандыгы маалымдалган.
Айрым маалыматтарга караганда, Эркин Салымбеков бажыда мыйзамсыз схема түзүүгө айыпталып жатат.